VAN ÒZZE VEURZITTER GRAAT.

En allewiel zegke ze neet meer veurzitter, maar òpperklomp Graat,
omdet ich toch dae gene bön dae de tuikes in de henj haet.

Dit jaor höb ich toch besjlaote óm get werk van mich aaf te sjtaon,
en angere auch get meer aan ’t werk te zitte.

Ich bön nl. mit ein eige bedrief begónne as Wienboer, in mien boeresjuur op de Sjtraot nr. 4
, in ein van mien sjtalle höb ich eine wienopsjlaag. En zo is d’r ein kemissie

óntsjtange die de hele boew regelt van de huijsjuur, optochtwage, hoes versiere enz.
Auch ozze aaje burgemeister Krit höb  ich weer ein taak gegaeve,
dae geit oppe boerebroelof same mit dj Jeroen ’t geluid verzorge
en auch ein bietje seromoniemeister sjpele, en so haaj ich de boel aan ’t dreije.
Kin ich mich get meer bezig haaje mit  mien wienen.

Aafgelaupe jaor waas weer ein sjitterend jaor, mit ein prachtig broedspaar,
 diej d’r same mit ós en uch weer ein sjitterend sezoen van gemaak höbbe,
ich wil hiejbiej Truu en Keub van herte bedanke veur heure inzet in deze.
 Òngertösse es ich dit sjrief weit ich eine hele haup,
 waat geer noe nog neet weit, maar as geer dit laest,
weit geer det óngertösse weer waal. ’
t  Koste mich dan auch heel väöl meujte  óm dit toet ’t einde geheim te haaje.

Auch wil ich van deze gelaegeheid gebroek maake óm mien ónechte boerevrouw te fillisetere
 mit ‘t tweede lustrum det veer noe in de ónech getrouwd zeen,
ich kiek nog sjteeds trök op ózze sjitterende boerebroelof in 1998 as Truuke en Graat.
Auch wil ich heur bedanke veur heur jaorelange inzet,
 eers same in de broedspaarkemmissie, maar auch vanaaf ut jaor 2000 al sikkertaris van dees stjichting,
 ziej haet väöl werk verzatte mit sjrieve, notuleren, eederein mailen enz.
 as d’r ein lintje waas zou ich heur hiej- veur wille veurdrage biej de Burgemeister.

Truuke bedankt !!

Auch ein waord van dank aan alle laezers, sjponsors, adverteerders en leeje en vrunj van’t Klumpke,
 veur ’t toet standj kómme van deze Melktuit.
Veer doon ’t veur uch en ós eige plezeer. En wilt geer óppe hoogte blieve van aktiviteiten,
 kiek dan op ózze web-site: www.tklumpke.eu

Mit vruntjelikke boere wien groetjes

Ópperklomp Graat

 ___________________________________________________________________

Zóndaag 27 jannewarie 2008 a.s.

Broedegóm:   Feel van Harriej van de Kirmes

Heur getuuge:

Frenske en Eric 

______________________________________________

KINNISMAKING Bruudje:

Langs deze waeg wil ich mich aan uch veursjtelle.

Ich bön Riecky Geraedts en bön  5 * 11 – 1 jaor aad, maar veul mich nog wiej twintjig.
 Ouch bön ich al 33 jaor gelökkig getrouwd mit Aad Prins en Aad Boer Lei.
 Höb tweej sjpetters van kienjer.
De aajdste zoon is ózze Frans, sjtervoetballer biej 't Remunsje Ajax ofte waal SVC 2000.
Hae woont same mit zien Nicole, ein geweldige sjoondochter.
De jóngkste is Willy. Hae woont nog gezellig biej Mam thoes. E
s ich neet thoes bezig bön dan haaj ich mich op mien werk aan de gank.
Ich werk in de ketering biej de Gilde Opleiding in Remunj.
Dao sjmeer ich ónger angere breudjes en verzorg ouch de koffiej! 

Op 7 juni 2007 ging de tillefoon, 't waas Graat. Ich dach eers dae belt veur Lei.

Ich zag: “Nae Graat, Lei is neet thoes!” woa op Graat mich vertelde det hae mich mós höbbe.
 Wiej der mich toen vroog of ich Bruudje wilde waere biej 't Klumpke zag ich drek “nae, nae, nae,”
Graat waas dao echter neet van ónger de indrök en zag det ich dao eers maar ins euver mós naodinke.
Wiej Graat haet opgehange höb ich geliek mit Lei gebeld op zien werk en hem verteld waat der waas gebeurt.
Volgens Lei mós ich toch maar jao zegke want dit waas toch eigelik waat ich altied höb gewild.
Ich höb Graat maar weer trök gebeld en heb  “JAO, ich wil” gezag!
Wiej det waas geregeld kós ich op zeuk nao eine boer.
Gelökkig waas det neet zo moeijelik miene sjpetter oftewaal boer, zo as väöl miense waal weite,
 kump al jaore biej ós toes. Ich weet det der ein geweldige boerderiej haet 
en ouch de vakansiej nao Turkije en Oosteriek waere ein heppening.

De vónk is dus al vreug euver gesjprónge.
Wiej ich um höb gevraog haet der dus geliek jao gezag.
 Veer zeen toen medein aan de sjlaag gegaon veur de broelof.

Dit hadden veer dus nooit verwach….. dus eederein op Hoogvónjere
 en dao boete is dan ouch van herte oetgeneudigd op ózze onechtelikke broelof.
Veer make der dan ouch same ein sjoon fees van in ós eige Huijsjuur!

_{_____________________________________________________}

KINNISMAKING Broedegom:

Leef Luuj,

 Ich zal mich aeve veursjtelle.

Ich bön Felix Sliepen, maar ederein neump mich Feel.
Nog óngeveer 1 jäörke wirke en dan gaon ich mit pensjoen.
Ich bön 41 jaor getrouwd gewaes mit Annemie. Helaas kint Annemie der perseunlik neet meer bie zeen.
Ich weit zeker det het van hiejbaove mit kiekt. Det zól ’t väöl te leuk vinje óm te misse.
Ich höb eine zoon, Har, van 44 lentes jónk. Hae is getrouwd mit José en same höbbe ze 2 jónges.
Ouch höb ich ein dochter, Laura, het haet al 42 lentes mit gemaak.
Het woont same mit Ruud en same höbbe ze 4 dochters. I
ch bön eine echte remunjse jóng oet ’t Veldj. Ich bön opgegreujd biej Laura en Harry Hinzen.
Mien aajers höbbe altied mit de kirmes mit gereisd. Hiej höb ich ouch altied mit geholpe.
 Same mit Annemie höbbe veer die ker van de kirmes nog 5 jaor getrokke.

Ich haup nog ein jaor in miene vrachwage te kinne róndj tuffe want

daonao bön ich der klaor veur om van mien pensjoen te gaon geneete. 

Efkes geleje haet Rieck mich gevraog om mit te gaon nao ein tegel-febriekske  in Belsj.
Ich had netuurlik nieks in de gater. Ich höb gemeind det ich tegels mit mós gaon oetzeuke.
Nieks gein tegels!!! Wiej veer dao aankwame haet Rieck mich gevraog of ich mit um in de ónech wilde trouwe.
 Eers waas ich get beduus….. wiej zoot det dan mit die tegels??
Maar wiej ich toes bön gekómme höb ich ins good en deep naogedach en ouch netuurlik mit mien kienjer euverlag.
 Ich vónj ’t neudig det ich häöre zaege mit kreeg.
Har en Laura waare super entoesjast en die roopde medein: “Tuurlik Pap,
 mit zo’n geweldige vrouw as Rieckie mós ze det zeker doon!”

___________________________________________________________

Gaer wil ich mich veursjtelle,

Ich bön Frenske van Aad Prins rooje Lei oet ’t Veldj en van Riecky oet de Börgemeister Geraedtssjtraot
en bön 31 jaor jónk. Ich wirk al bienao 8 jaor es  maggezienmeister bie Joe Piej Es in Remunj.
Miene allergrootste hobbiej is voetballe. Ech waor, ich bön super fanatiek zowel mit zelf voetballe
es mit 't kieke nao voetballe. Ich sjpeel dan ouch in 't 2^e 11-tal van SVC 2000.

Ich klus väöl in mien huuske det ich veurig jaor same mit mien vriendin Nicole höb gekoch op Hoogvónjere.
 Nicole maakt väöl kilomaeters veur zien werk.
Ich bön altied weer bliej es 't dan toes is en mich verwint door 't gezellig te make mit tapas en kaerskes

___________________________________________________________

Getuuge Broedegóm

 Hiejbiej wil ouch ich mich gaer aan uch veursjtelle.

Miene naam is Eric de Witte van Marie van de Bekker van de Sjuiteberg en van Sjarel de Iezerboer van de Keulsebaan.
Ich bön 3 * 11 + 6 jaor geleje gebaore. Ich wirk as sjteuring- en óngerhaldmóntäör biej de Sekisui S-lec.
 Ich bön getrouwd mit mien Eugenie, die wirkt aaf en aan sjnachs biej versjtandelik gehendikepte.
Häöre grootste hobbiej is fotografere en det kint geer trök zeen oppe oetneudiging.
Ich voetbal al mien ganze laeve lank en det zeer fannetiek.
Taegewäördig voetbal ich bie Frenske in 't tiem namelik 't 2e 11-tal van SVC 2000.
Maar ouch mit kieke nao voetballe oppe tillevies of boete langs 't veldj kin ich erg entoesiejast zeen.
Mien hobbies zeen kompjoetere, meziek loestere en films kieke.
Es mich eine kump vraoge of ich mit gaon sjtappe dan zegk ich neet nae en det zelfde geld ouch veur eine gooje pot beer!

 ___________________________________________________________

Broedsjóng                                  

Hoi, ich bön Nino en ich bön 8 jaor. Ich gaon nao de Brink nao sjool en zit al in groep 4.
Net es miene pap doon ich heel gaer voetballe. Ich sjpeel in de F2 bie SVC 2000 en maak oppe tied ein gool.
Es miene pap en Frenske mótte voetballe dan sjtaon ich langs 't veldj die tweej flink aan te moedige.
Ouch toes oppe tillevies wil  ich geine voetbalmetsj misse en al zeker

Broedsmaedje

Hoi, ich bön Tanisha en ich bön al 4 jaor.
Net es mien breurke gaon ouch ich nao de Brink nao sjool en ich zit in groep 1.
Ich vinj 't heel erg leuk op sjool. Es ich later groot bön dan waer ich prinses en doon allein maar danse.
Ich zal uch verklappe det 't leukste sjpeelgood det ich höb eine grote sjpegel is.
In dae sjpegel kin ich dan aan ein sjtök door nao mich zelf kieke wiej de danspasjes gaon.
Ich zeen gaer ein leuk deeveedeetje en kompjoetersjpelkes krieg ich langksaam aan ouch ónger de kniej.

_____________________________________________________

Ties hilt ós veur ‘t lepke!

Sjoon waas ut aafgelaupe sezoen det Ties de hepkeskroew weer kwaam versjterke mit zien sniejkunste.
 Óndanks ‘t lepke höbbe veer gein sjtökskes vinger tösse de wórs trök gevónje.
 ‘T waas ein plezeer te zeen wiej dae Ties det mets hanjteerde (haet der det biej Dina geleerd??)
Door dees meneer van werke is dan auch de sjlager “maar mien lepke” ein doorsjlaond sukses biej de hepkeskroew! 

De redaktiej

___________________________________________________________

___________________________________________________________

____________________________________________________

____________________________________________________