Selektie van artikelen uit:
DE MELKTUIT 2003
________________________________________________________________________
Veurzitter Graat
Aan't waord
Op ut moment det ich dit sjrief, weit ich al es broedspaarkemmisse waem ut nuuje broedspaar van 2003 wirt, en ein nuuj sezoen sjteit veur de deur.
Tog kiek ich nog efkes trök op ut aafgeloupe Boerejaor.
Nao lang zeuke binne de wiek Hoogvônjere, en ich dingk det ut kumpt vanwege de Euro, lökte ut Truuke en mich neet om ein nuuj broedspaar te vinje. Veer wiste waal det veer Geraldientje hiej heel bliej mit kôste make en veer wiste ouch det ut good kos samewirke mit Wullem, bv. de boeredaag organisere. Veer höbbe hiej ein gooj keus mitgemaak, en ich bedank hiejbiej nogmaals Geraldientje en Wullem as broedspaar van ut jaor 2002 veur ut fantastische spjel waat ziej gespjeelt höbbe same mit heur getuuge!!!
Veur ut kômmende jaor höbbe veer as besjtuur besjlaote ôm de boerebroelof en de boerebal op eine daag te doon, ôm so eederein de gelegenheid te gaeve aansjloetend op de broelof ouch biej ut boerebal aan wezig te kinne zeen.
Ut boerebal det normaal op vastelaovendzunjig waas, kump hiejmit te vervalle. Op deze aovend zal noe geweun eine vastelaovendsbal of Prinsebalaovend zeen.
De kienjermiddig op vastelaoveszunjigmiddig geit geweun door en veer haupe det ter weer väöl kienjer kômme ôm mit ut nuuje broedspaar eine leuke middig der van te make. Ouch zal ut best verkleide boerinneke en buurke gekoaze waere.
Ut wird eeder jaor weer moeijlikker ôm donateurs en spjonsors te vinje, zodet veer weer ein melktuit kinne oetbringe, want zonger uch geit det neet. Veer höbbe allemaol weer os oeterste bes gedaon om dit te verwezelikke, daorom wil ich hiejbiej alle leje van ut Klumpke, adverteerders, spjonsors en donateurs, hertelik danke veur höär biejdrage. Ouch bedank ich De Vlonder veur de akkomedatie en de Haofgangers veur de gooije saamewirking.
Mit boeregroet,
Graat.
____________________________________________________________________________________
Kump Ruud biej de direkteur van de gevangenis, “Vannach zeen der twee gevangene ontsnaptj”.
“Det waerde tied”, zaet de direkteur, “ich waerde gek van det gepiep van diej viel de ganse nach.”
_____________________________________________________________________________________
“Es ich get grappigs zeen, kin ich miene lach neet meer haaje”, zaet Wim taege Wil.
“Den vraog ich mich aaf wie des dich dich in godsnaam veur de sjpegel kins sjaere”, zaet Wil.
_____________________________________________________________________________________
Leef luuj van Hoogvónjere
Ich wil dit jaor beginne mit de titel van ein leedje en det is: Geneet van het leave zolang es-se kins.
Want waat geit de tied snel 25 jaor geleje bön ich hiej op Hoogvônjere komme wone en het liek aaf en toe alsof det pas ein paar jaor geleje is.
In deze tied höb ich heel get miense zeen gaon woovan inkele die mich nao aan het hert stinge. Daorom de gooje raod, Geneet van ’t leave zolang es-se kins.
En aafgelaupe jaor höbbe veer genaote want mit os broedspaar Geraldientje en Wullem, prins Bert 1 (oze sjriever) en jeugprins Davy 1 veurop waas ‘t ein geweldig sezoen.
Ich wil dan auch gaer nog eine keer ’t broedspaar en de getuuge van ’t aafgelaope jaor bedanke veur de ongeluifelikke meneer wie die der teagenaan zin gegaon.
En natuurlik auch alle leje, gasten, sponsors enzo meer die der aan mitgeholpe höbbe om der ein geweldig sezoen van te maken.
Ongertusse staon der weer nuuj miense te trappelen om uch veur te gaon in nao waat ich aan-naem ein geweldig sezoen want onger grote publieke belangstelling en op ludieke wies is op 23 november ‘t nuuje broedspaar Dina en Ties mit getuuge Antje en Jonas oetgerope.
De test mit de toetsemeter höbbe ze glansriek doorstange en dus zeen ze offiesjeel verloof.
Mit ’t nuuje broedspaar en getuuge, Prins Marco 1 en jeugprins Clint 1 as gangmaekers bön ich der van euvertuug det veer weer eine geweldige tied van lol en plezeer zölle beleave.
Wis geer euverigens det ’t Klumpke modern is gewaore en zelfs ziene eige website haet ?
Op ‘t moment det geer dit leas, is ’t seizoen al weer volop aan de gang, en zeen de veurbereidinge veur de evenementen bienao klaor.
Ich neudig biej deeze dan auch idderein in Hoogvónjere en omstreeke oet om os aktiviteite te bezeuke en mit te doon, want de Boerebroelof en angere evenemente, zeen veur groot en klein, jonk en aad, diek en dun, knap of lillik, boer of boerin dus veur idderein.
Toet ein van dees daag in os wiekgeboew.
Mit edelachbare groetjes van
Krit van Sjeng van de Kuuper
Burgemeister.
_________________________________________________________________
__________________________________________________________________
Names de burgemeister van Hoogvónjere
de Weledelachbare ouch waal Dorstlustige hoogheid geneumd
De heer
Krit van Sjeng van de Kuuper
Is aan mich de plich om idderein d’r van in kinnes te sjtelle, det
óngersjtaonde boereluuj te kinne höbbe gegaeve, det ziej in de
(0n)ech wille trouwe en waal op:
Zóndaag 23 fibberwarie a.s.
Broedegom: Ties, zoon van sjproete Nel en Wullem oet Leeve.
Broed: Dina, dochter van Jaantje en Giel van de sjipper oet Greuninge.
Idderein, dae waal of gein gegrondje bezwaore haet taege dit veurgenaome huwelik waert verzóch om det veural tiedes de huweliks
ceremonie in ‘t aopenbaar kinbaar te make!
Names de burgemeister van Hoogvónjere
en
De sjriever van de burgelikke sjtandj:
‘t Höt van Marie van Mienekes oet Postert en de Geit van Sjörgers oet Sittard.
____________________________________________________________________
Mit heur getuuge:
Jonas van de Klitskesberg, broor van Ties.
en
Antje, dochter van Jan en Mie oet Lin.
_______________________________________________________________________________________
Bruudje en Broedegom
Dina: Even voorstellen, voor diegenen die nog niet weten wie ik ben.
I
n het dagelijkse leven is mijn naam Diny Meinen. Ik ben getrouwd met Jos.Samen hebben we drie prachtige dochters, waar we heel trots op zijn.
De oudste heeft al een jaar een vriendje.
Hobby’s heb ik ook. Mijn grootste hobby is natuurlijk de Vlonder, daarna komt het maken van babypoppen en andere creatieve bezigheden.
Een aantal jaren geleden ben ik geboren in Zwolle, op een schip. Dat komt omdat ik een schippersdochter ben. Tot mijn 19 de jaar heb ik gevaren en daarna ben ik in Roermond komen wonen en werken. Op 28 maart 2003 is het 5 jaar geleden, dat ik samen met Jos de Vlonder ging beheren. Dat gaan we natuurlijk vieren. Samen met jullie allemaal hebben we daar een heel gezellige tijd. Wat het zo mooi maakt in de Vlonder, is het feit dat we met z’n allen gewoon kunnen zijn wie we zijn. Het is een grote familie.
Toen Ties en ik elkaar hebben leren kennen, was het liefde op het eerste gezicht en toen hij mij op zijn knieën vroeg of ik zijn (on)echte vrouw wilde worden, heb ik dan ook direct ja gezegd.
Samen hopen we op een prachtig seizoen, met als hoogtepunt onze boerenbruiloft op zondag 23 februari. Met de steun van jullie allemaal zal dat zeker lukken.
Ties: Moog ich mich aeve veursjtelle:
Miene echte naam is Thijs Sonnemans en ich woon oppe Donderberg. Ich bön al 30 jaor (gelökkig) getrouwd mit Annie en same höbbe veer 2 kienjer: Iris en Dave.
Dave woont same mit Jolanda en sinds maart höbbe die ouch al ein dochter, dus ich bön al opa. Det is heel leuk. Ein dink is minder leuk en det is, det ich ’s aoves mit oma nao bed mot. Es rieksambteneer biej de rechbank verdeen ich mien botterham. Aangezeen det geine vetpot is biej ’t riek, mot ich der ein baantje biej höbbe. Det höb ich gevonje in de sjtad biej kefee de Tramhalte op ’t Sjtasieplein. Eedere zoaterdig – en zonjigmorge kint geer dao ins komme kieke wie ich dao aan het werk bön. Verder höb ich nog mer ein angere hobby en det is kienjervekansiewerk op Kloosterhaof. Det doon ich ouch al ruum 25 jaor. Eedere zomer bön ich dao ein waek besjeftigd mit zo’n 200 kienjer oet de wieke Donderberg en Hoogvónjere.
Jao, geer zolt uch noe waal aafvraoge, wiej ich Dina höb lere kinne. Veer woore ins mit ein vergadering van K.V.W. inne Vlonder en dao sjting het achter ut buffet. Ich dach toen biej michzelluf: “Esse ooits in de onech kins trouwe, dan is ut mit die “Möp”. En die kans deej zich vlotter veur es det ich dach, want toen ich mit de boerekeuze kemissie in kontak kwaom wis ich ’t waal. Wie die mich vrooge, höb ich sjpontaan JAO gezag. Ein waek later hadde veer weer vergadering van de K.V.W. en jao, dao sjting ’t weer achter ’t buffet. Nog veurdet de vergadering begos höb ich Dina ins deep inne uig gekeke en dörfde ‘m nieks te vraoge. Mer inne pauze höb ich al miene mood biejein geraap en bön ich op ‘m aafgesjtap, eine knieval gedaon en zien handj gevraog. Zo det waas droet, noe ’t antjwaord nog. Dina wol ein waek bedienktied, mer ’s aoves veurdet ich nao hoes toe ging had ’t al jao gezag.
Noe motte veer nog wachte toet 23 fibberwari en dan gaon veer in de onech trouwe. Ich haop det veer eine leuke tied kriege mit zien alle. En daorom zegk ich dan ouch: Toet 23 fibberwari allemaol.
______________________________________________________________________
Krieg ôze Broedegom nieks te aete van Dina ?
Betrapt door ôze klatschfotograaf. Ties den aanstaonde Broedegom van ‘t Klumpke veel gretig euver ein lading poor tiedes de fotosessie. Wiej de hoffotograaf aeve neet biej de les waas, noom Ties zien kans waor om ziene boek aeve good te vulle. Wiej veer aan Dina vroge of ter nieks te aete haaj gehad, gaof diej gein antwaord en trok de sjouwers op.
____________________________________________________________________________
Ein oetbreiding veur de beveiliging van òs boerebroedspaar.
Jao leef miense van Hoogvònjere, geer least ut good!! Veer kinne neet achterblieve mit de beveiliging!! Frenske (rechs oppe foto) haet òs laote weite det ter ut neet meer allein aan kint as veldjwachter!! Hae raakte der helemaol van oet zien doon, dus waas ut ein gooj zaak òm op zeuk te gaon nao eine collega. Aangezeen die neet veur ut oprape ligke, höbbe de boere tog ver mòtte gaon zeuke. Òzze fotograaf Ruud, had gooje kennekties biej de boere in Herkebosj, en jaowaal, der waas waal eemes dae die taak òp zich wil naeme!!
Geer wilt netuurlik gaer weite waem det dae gelökkige is. Ut is neemes angers es ôzze eige Wullemke (links oppe foto). Nao ut aafgelaope jaor boerebroedegom te zeen gewaes, zoog hae dit waal zitte. Geraldientje haet um tog aan de kantj gezatte, dus wou hae zich waal opoffere veur de boere. Ruud netuurlik harsjtikke bliej det ter zien Geraldientje weer truuk kreeg!! En Wullemke waas auch heel bliej det ter eine nuuje carriérre kôs make. Noe mòs Frenske dit nog goodkeure. Sjnel ging Wullemke nao Frenske haer, en vroog of hae ziene collega mòg waere. Tuurlik zei Frenske, maar eers mòtte veer kieke of veer nog eine nuuje outfit kinne vinje veur òs same. Same ginge ze op paad, en kwaame ze in Blerick oet. Dao vònje ze ut pak van heur druime. Netuurlik mòt Wullemke nog väöl lere, maar dao is auch al ein oplossing veur gevònje. Hae krieg eine kursus van òzze burgemeister Chrit. Noe wilt geer netuurlik weite waat dae allemaol mòt kinne. Òppe eerste plaats zal Wullemke good môtte zorge veur ôs nuuj boerebroedspaar. Aangezeen der zellef aafgelaupe jaor broedegom is gewaes, wit hae precies wanneer”de geveerlikke””tied plaats geit vinje. Zo zeet geer leef luuj van Hoogvônjere, det ut Klumpke good biej de tied is. Eigenlik kinne veer waal stjelle det diej van de regering waal ins ein veurbeeld kinne naeme aan de Boerebroelofstjichting Ut Klumpke!!
Veer winse Frenske en Wullemke in eeder geval väöl sukses en netuurlik heel väöl plezeer toe.
Van versjlaaggaefster
Bloome Antje.
____________________________________________________________________________
TE KAUP: Mobiele mit te numme bushalte (In diverse maote en kleure )
Eine neet nader te neume oetvinjer oet
Hirkebosch haet ein geweldige oetvinjing gedaon. Vanaaf noe is ‘t afgeloupe mit kilometers in de regen te laupe noa een bushökske. Vanaf nouw is der de mobiele mit te nümme bushalte. Hae waegt nieks, is sjokvriej, anti magnetisch, altied oppe tied en is te besjtelle in 6 kleure. Hiej oppe foto test bekker Kobus Krintemik ‘t prototype.Zien kommentaar; geweldig, dit apparaat had ich veul eerder mote hubbe, had ich nooit eine bakfiets gekoch.
Kobus Krintemik
__________________________________________________________________
Tweej zjwervers laupe s’zomers door Remunj, de eine zuut d’r good oet mer den angere is vel euver bein.
“Doe zuus d’r good oet”, zaet dae sjmale, “Wiej duiste det toch?”.
“Tja”, zaet dae gevulde, “Euveral wo ich kom, gaon ich veur ’t gemeindehoes zitte en aet mich dao get huuij. Es ’t personeel van ’t gemeindehoes det danne zuut, bringe die vanne sociale deens mich meistal get geldj om aete te kaupe”. “Det is nog gein slech idee”, zaet de sjmale.
Hae geit auch met get huuij veur ’t gemeindehoes zitte en wachtj aaf toet de sikkertaris nao boete kumtj. Dae vreugtj aan de zjwerver: “Wiejzoo aets dich huuij?”.
Zaet de zjwerver: “Omdet ich erm bön en gein werk höb.”
“Nou,” reageertj de sikkretaris, “den bösse nog knap sjtom ouch, ’t is hertje zomer….. Doe mos noe graan aete en det huuij bewaare veur sjwinters”.
______________________________________________________________________________
Van de Broedspaarkemissie (Truuke en Graat).
Ut broedspaar van 2002 kwaam oet de eige boereklup, nl. Geraldientje en Wullem. Geraldientje (mit ziene eige naam Gerry Wieringa) is al heel get jaore lid van ‘t Klumpke en ut haet ouch al väöl broedspaare mitgemaak. Veer van de broedspaarkemmissie hadde al langer in de gate det ut ouch waal ins gaer bruudje wol zeen.
Ins in de zoväöl tied kump it waal ins veur det ze neet zo gemekkelik ein broedspaar van boete de klup vinjs en dan is ut good te weite det se nog reserve bruudjes binne de klup höbs!!
Ouch Wullem, getuuge van Kaatje en Leike van det jaor daoveur, wis wie der op zien meneer det spjeel mos aanpakke. Dit waas trouwes ein broedspaar die ut so ech sjpeelde det veer aaf en toe dachte det ut ech waas, so verleef ware die!! Ut is maar good det de burgemeister heur aaf en toe de wach haet aangezag, want angers ware diej der sjoon tösse oet gefiept!!
Omdet veer mer ein kleine klup zeen, komme der väöl wirkzaamheje op dezelfde persone terech, zo ouch op ut broedspaar. Geraldientje det ouch nog ein sjtök p.r. duit en Wullem dae de Melktuit ein heel stjök inein zit. Boete dit werk mos ter ouch nog zorge, det der thoes biej zien eige vrouw brood oppe plank kwaam en mit sien onechte vrouw mos hae väöl veurbereidinge doon veur de Boerebroelof.
Maar mit de hulp van alle angere boere en boerinne en de luuj van Hoogvonjere höbbe ziej der ouch weer ein sjoon fees van gemaak!!
Dit jaor zeen veer, Truuke en Graat ,de broedspaarkemmissie al heel vreug op zeuk gegaon nao ein nuuj broedspaar, geliek nao de vastelaovend, dan zeen de miense der nog vol van.
Ozze broedegom Thijs Sonnemans, is heel actief binne ut vereinigingslaeve, hae organiseert beveurbeeld al meer es 25 jaor ‘t kienjervakansie werk oppe Donderberg. Der zeen eine haop minse, die um waal kinne. Vanaaf det der op de boerebroelof van Graat en Truuke is gewaes leep der mit ut idee om ouch ins in de (on)ech te trouwe. Ein bruudje haaj der allang op het aug, n.l. Diny Meinen, de oetbaatster
oetbaatster van oze Vlonder. Veer wille uch waal verklappe, det hae ein ech aajerwets huweliks aanzeuk haet gedaon, nl. op zien knieje haet der gevraog of ut mit um wol trouwe! En wo is det gebeurd? In os eige wiekgeboew en nemes haet ut gezeen! Omdet ozze broedegom in ut weekend in cafe de Tramhalte wirkt, haaj der rap in de sjmieze, det zien a.s. bruudje ein lekker pilske kint tappe.
Wie kint ut ouch angers, es ze al bienao 5 jaor ut wiekgeboew beheers. Oze broedegom dach, es ich dem aan de haok kin sjlaon, krieg ich mit de vastelaovend zeker ein good getapt glaeske beer! Truuke en Graat dinke det die twee waal good biejein passe en det veer weer ein sjoon sezoen kriege mit os nuuj broedspaar. Veer höbbe noe al väöl plezeer en dan mot ut fees nog beginne!!
Veer winse ut broedspaar van 2003, Ties en Dina en heur getuuge Antje en Jonas heel väöl lol en plezeer.
Veer weite zeker, det zie der same mit de leeje van ’t Klumpke en alle luuj van Hoogvonjere weer ein geslaag sezoen van gaon make!!!
Wilt geer os broedspaar zeen trouwe in de on-ech? Kôm dan op zonjig 23 fibbrewariej om 14.00 nao de Huijsjuur (’t Hermeniegeboew naeve De Vlonder).
Mit boeregroetjes van de broedspaarkemmissie
Truuke en Graat
_________________________________________________________________________
Broedspaar mot nog wirke veur ‘t fees:
Wiej Ties en Dina de kleijer, veur de broelof aangesjaf hadde, môsde ze weer rap aan ‘t werk. Diej broelof diej kos eine houp geldj meinde Ties. En Dina had zo lang tösse diej kleijer ligke rommele det de kuuij toch waal ein bietje verwaarloosd ware. Diej sjtikke van de honger. En volges ôs, sjtikke diej twee sjtraks van den doosj. Mer det zulle ze oppe broelof waal inhaole.
De klatschredaktie
______________________________________________________________________
Mer ôs boerehert zal blieve kloppe.
Ein bietje gek waerde ze allemaol van ôs. Maar waat kôs det sjéle. Eederein moogde tensjlotte weite det veer BROEDSPAAR 2002 ware.
Veer ginge veur– en geer kwaamt massaal achter ôs aan. Same mit de boerefemilie en ôs getuuge, Paulientje en Baer, waas ‘t eine onvergaetelikke tied (zoes geer kint zeen op de fotocollage 2002).
Hiej veur wille veer uch bedanke. Veer zeen der maar gêt trots op det veer ‘t 12de broedspaar moogde zeen.
En ‘t 13e broedspaar, Ties en Dina, zal zeker net zo gelukkig waere. Veer winse hêur alle gelôk en belaove heûr te sjteune wo ‘t neudig is.
Miense “BEDANK”, ôs boere zal altied veur uch en elkaar, blieve sjlaon.
Mit boeregroet,
Geraldientje en Wullem.
______________________________________________________________
BEKKER WAERT BIKER
Van oze versjlaaggever K.K.; Sinds oze bekker Kobus Krintemik mit zien vrouw nao Amsterdam is gewaes is der van alles loos in de bekkerie. Sjmorges om 6 oer kump der helle gitaar meziëk oet de bekkerriej. Den zuus te bekker Kobus op de tafel staon mit de sjeeter op ziene burgemeistersboek gitaar spele “Born to be wiiiiiiiiiiiiiiiiiildj.” Ziene bakfiets stjeit te kaup biej Kritje Jaspers, hea schjeurt noe mit 140 per oer euver de Forasingel, mit zien Japans racemesjien. Auch ziene bekkers-sjolk is getoesj veur ein laeren pak. Toen veer Kobus optillefoneerde veur einig commentaar zei der: Ich bön noe Biker gewöäre same mit mien vrouw Bertje. Det is ruig, vet en cool.
_________________________________________________________________
Truuske in de komkommertied !
Aafgelaope jaor höbbe veer weer van alles mitgemaak, zo ouch mit ós aller Truuske.
Eeder jaor gaon veer mit de boerevrouwluuj eine ganse daag op sjtap, zónger die kaerels!! Ut waas eine sjoone daag, prachtig waer, de zon sjeen geweldig geweun!! Ós aller Kaatje hat ut weer good veur mekaar. Maar op eine keer zaet ós Truuske taege Truuke, hèèèl stjtiekum, zegk Truuke, noe mós doe ins good loestere nao mich. Ich vinj det ich waal ins ein opknapbeurt gebroeke kin. Wieso det? zei Truuke toen. Nou zei Truuske, es vruike van de burgemeister mót ich ter toch good opstjaon, vinjs se neet?
En ich vinj det ich waal ins eine verwindaag moog höbbe. Truuke veel biejnao van zien geluif aaf, ut wis neet waat ut heurde!!! Maar luuj,ouch ich hat mien eurkes good aope gehaaje!!! Sjnel maakte ich mich op nao Kaatje en vertelde um ut ganse verhaol. Same mit al diej angere boerevrouwluuj höbbe veer toen ins good naogedach, en kiek noe ins hiej, veer hadde ut veur mekaar!!! In ein boeregaat krege veer eine tip, hiej waas ein vruike det òs Truuske waal ins wilde verwinne. Geweldig geweun.
Truuske ging helemaol oet zien daak, veural toen hèt ut resultaat zoog. Nou, zegk, waat se al neet mit ein kòmkòmmer kins doon zei Truuske. Wiej Truuske weer toes waas, wis òzze burgemeister neet waat ter zoog!!! Maar Truuske waat zuus ze der tog good oet, ich dink det ich dich ins aanmeldj as nuuj boerebruudje biej de boerebroelofkemissie. Truuske veulde zich helemaol tegek, wiej ziene burgemeister det zei. Maar zei Truuske, wiej mòt det dan mit òs? Maak dich dao maar neet zo drök òm, det kumpt vanzellef waal weer good heur!! Maar Truuske had ut ter neet op. Waas ut maar neet so sjtom gewaes om zich te laote verwinne!! Maar noe kòs ut det neet meer truukdreije. Dae Chris waas al op waeg noa Truuke en Graat!!! Aangekòmme biej de boerebroelofkemissie, vertelde Chrit zien verhaol. Truuke en Graat vònje ut waal ein sjoon verhaol, maar hadde al eemes angers op ut aug. Jaomer zei Chrit toen, dach ich ins ein tiedje op mich zellef te kinne zeen, maar helaas. Òngertösse had Truuske zich al mit de gedachte daat ut bruudje zou waere eige gemaak, en had al eine leeve boereknul gevonje!! Ut waas leefde òp ut eerste gezich!! Sjnel sjreef ut ein breefke veur Chris, en maakte zich der tössenoet!! Toen dae toes kwaam, veel um biejnao de bôks oet. Hae wis neet wiej der ut had, zeen ich det good??? Wit geer luuj, waat Truuske um had gesjreve òp det breefke??? Beste Chrit, ich höb eine sjoone boereknul gevonje. Mit hem zeen ich ut waal zitte ut kômmende boerezesoen. Bedank en ich zeen dich waal in de kômkômmertied!! Nou, wiej dit verder aaflaupt, ich bön benuujt luuj. Maar ein dingk sjteit waal vas, Truuske haet ut waal weer good veur mekaar. Waat ein kòmkòmmer al neet te waeg kint bringe!!! Ich haaj uch oppe heugte.
Bloome Antje.
________________________________________________________________________________
Zomer sjete oppe Weijer
Eder jaor weer ein fees veur ederein. ‘t Klumpke is hiejbie gaer present en ging dit jaor neet onverdeenstelik nao hous.
Geraldientje krieg instructies van de opperbuksemeister himself.
Kogel derin, aom inhaoje, richte en vuur
Luud zelf haet volgens os noch ‘t meiste plezeer. Hae geit der dan auch ins rooijaal veur staon.
‘t Wachte is oppe volgende hampeleman dae noe weer onger de baom zal versjiene. Veur Luud maak ‘t neet oet of ze good of slech bös. Hae steunt ederein!
Det ongersteune geit opde enige gooi meneer die dao veur is. Hiej en dao wirt emis rechop gezat of juus geweze det der zien vot achteroet mot staeke. Zien erm los mot laote hange of de bein wiejer oet ein mot zitte.
Veer van ‘t Klumpke laote det os gaer allemaol oetligge. Want sjete det is ein vak waat geleerd mot waere.
Luud veer wille dich op dees wíés ins efkes in ’t zönke zitte zonger alle angere te kort te doon. Meugelik is het op dees meneer ’t volgend jaor nog drukker oppe weijer, biej de
“Drumband Juventa Hoogvonderen Cup”.
Ger Gezelle
_____________________________________________________________________
(Boere) Woman Power
And the winner is…………de vrouwluuij van ‘t Klumpke !!
Veer wonne de tiet mit oore !!!
Richtig stolz waare veer toen veer dit heurde!!! Ich zal uch oetlegge wie de tiet inne priezekas van ’t Klumpke is gekôme.Veer.., Vrouwluuj van ‘t Klumpke, goan elk joar ins noar ôs zusters vanne Remunjse Vrouwluujzitting. Enne…. Omdat die de wirkplek van de Uuleprins gekaapt haaie moogde hae éfkes koome kieke. Om indruk op um te maake vrooge ze alle vreukes om toes al te oefene mit fitnesse. Geer zeet waal dét Geraldientje, foto links, zich ut meeste heat oetgesjloof. Bie de zitting môste veer ut resultaat loate zeen. De organisatie vonj det de boerinnekes d’r beheurlik tegenaan zeen gegange en ze goove daor bliek van door ôs mit dit kleinnood te onjersjeije.
Geer zeet waal miense,
t Klumpke heat
WOMAN- POWER!!!!!.
________________________________________________
Wild West op Wapenstekererf
Zaterdag 1december 2002 uit: “De Limburger”
“Salon zorgde voor wildwest taferelen op ‘t Wapenstekererf”
Neet te geluive det zo get meugelik is in zo’n nette straot. Vervaelendj veur de miense die dao in de buurt wone en jaore zin gaon klage biej de pliese.
Maar geluif mich miense ich zal ins oet de deukskes doon wie de vork in de steel zit.
In ‘t begin toen die salon aope ging waas det ein net bedrïëf wo men zich veur ein paar $ de plooi-je kös laote glat strieke. Vingernaegel knippe en hiej en dao get kös laote knaeje. Zelfs koppïën weg massere waar gein probleem. Maar zo wiej veer van Hoogvónjere zin: wiej ‘t nuuj der van aaf waas lete veer massaal de beauty-salon links ligge. Sjoner noch veer trokke de naas der veur op. En precies dao is ‘t toen mis gegaon!!!!
Toen is die mevrouw noodgedwonge in Pole kreatief gaon winkele en haet sjoon jong pölle mit truuk nao Hoogvónjere gebrach.
Maar oze veldwachter dae dao op de hook woont is auch neet van gistere. Dae had det gauw in de smieze. De brevebös op de hook kös de aangebaoje pos zoget neet verwirke. Minnig ein gin s’aoves zogezag nog ein frisse naas haole. “Det löpt hie de spuigate oet” zei der taege zien vrouw. “Ich gaon det controlere” Hae haet zich toen eine hondj geleent en ging s’aoves geregeld aan de wandel. Hiejbie zoog d’r zo noe en den ins ein Poolse sjoone die zoot te wildj-plasse of zelfs naoluiperke deje rondj om ‘t graasveldj in de blote vot. Hae vónj det det neet kós in 2002. Hae meldje dit dan auch onmiddelik biej ziene baas, burgemeister Krit.
“Bloot heurt oppe tilleviesie töës en neet op ‘t Wapestaekererf” zei deze.
Aovende aan ein stök haet de veldwachter dan auch same mit de collegaas van de pliese oet de stad op ziene zölder door ‘t daakraam zitte spienze, tot ze de bewieze röndj hadde. Zelfs cameraas waerde bie dees actie ingezat. ‘n Paar daag nao de elfde van de elfde is de salon: “WEGENS ZIEKTE GESLOTEN”.
Bie naovraog of der nog get bie-zonjers op de video-beelde stóng waerde ös verzekerd:
“IK HEB HIER NOG NOOIT EEN BOER GEZIEN”
Ger Gezelle
___________________________________________________________________________________
Vlodders in de Vlonder
Tiedens de afgelaupe broelof in de Vlonder werde veer aangedaon door ein illuuster gezelsjap. ’T bleek ver femilie te zeen van Wullumke die kwame protestere op de trouwerie van Wullemke en Geraldientje. Kees, Opa en Ma Vlodder maakde zich op veur de buhn, en waat zich doa aafspeelde is mit gein pen te besjrieve miense. Ich höb noch rooi oren van het löëstere. Opa zwejde mit de jeneverfles en de playboy door de zaal, Ma Vlodder trok heftig aan häör sigaar, ongertusse waas Kees de halve zaal plus burgemeister Krit aan ‘t versiere. Zelfs Frenske de veldjwachter dürfde neet in te griepen. Gelukkig waas oze Wullum zo rap vanne tong det hae ze de deur oetgezat heat zonger det ze veul koste verroepzakke.
Kobus Krintemik
_____________________________________________________________________________________________
(Vragen-vuur door Ger Gazelle)
Achter iedere grote man…………..
Naam/ v. Alphen – v. Alphen
Roepnaam/ Bianca
Bekend als partner van/ Ludwig (Luud)
Moeder van / Raymond – Anouschka
Geboren in / Sittard
Waar ben je opgegroeid/ door heel Nederland Schoonhoven/Valkenburg/Graven/Stein
Wanneer ben je op de Donderberg gaan wonen/ in 1974 samen met Luud
Hoe lang kom je al in de Vlonder / sinds de oprichting van de drumband in 1986
Wat is je grootste hobby/ knutselen / kaarten maken e.d.
Ben je lid van een vereniging/ ja van schutterij prins Hendrik
Als je 1 dag de baas van Roermond mocht zijn zou je …..zorgen dat de mensen wat vriendelijker tegen elkaar werden
Ga je geregeld met het openbaar vervoer / nee
Wie doet er thuis de boodschappen/ degene met de beste benen (meestal ik samen met Lud)
Wat doe je met Carnaval/ genieten achter mijn bonnentafel
Welk boek las je in 1 keer uit/ meestal is dit een hobbyboek
Spreek je weleens dialect/ nee /maar ik versta het perfect
Hoe voelt het om een prins als schoonzoon te hebben / vreemd maar ook weer vertrouwd, want onze zoon is schutterskoning geweest
Drink je wijn of bier/ bier
Ben je kunstzinnig / ik knutsel heel veel maar of dit kunst is…voor mij wel
Zou je in de politiek willen/ nee
Heb je problemen met de erfjes en de hofjes in de buurt/ nee, vind prima de weg
Hoe beweeg je je door het verkeer/ met mijn scoot- mobiel, de fiets, of de auto
Zou je graag oma willen worden / ja, t.z.t. als mijn kinderen dat ook willen
Jij gaat met carnaval….. / present wezen
Dank je wel Bianca,
Een ding weet ik zeker: we zullen elkaar geregeld treffen de komende drukke periode.
Ger Gazelle
_____________________________________________________________________________________________
Marij vroog aan Tommie: “Zegk Tommie, doe bös toch zeker neet vergaete det weer vandaag teen jaor getrouwd zeen? Zal ich om det te viere ins ein lekker hoon sjlachte?”
“Dao kan die hoon toch nieks aan doon” zaet Tommie.
__________________________________________________________________________________
“Wievaol miense zeen d’r neudig om een koe te melken?”, Vreugtj Paultje aan Chris.
“Veerentwintig, veer men haaije de uiers vas en twintig men sjödde de koe op en neer”, zaet Chris.
__________________________________________________________________________________