Een selektie van artikelen uit:
DE MELKTUIT 2002
_________________________________________________________________________
Veurzitter Ger Wester
Aan't waord
Ut aafgelaope sezoen waas weer ein succesvol jaor veur `t Klumpke. Mit ein kleine klup van ôngeveer tjwintig leje höbbe veer mit man en mach gewirkt ôm alles in de puntjes verzörgt te kriege.
`t Broedspaar Kaatje en Leike mit de getuuge Rietje en Wullem en broedsjungkske Matje höbbe `t sjpel good begrepe en gesjpeeld. Veer höbbe väöl gelache, gezonge en aaf en toe auch ein traon weggepinkt. `t waas ein sjoon sezoen, mit dank aan Diny en Jos van de Vlonder en de Hoafgengers, want “veer deeje ut same” !.
`t Nuuje broedspaar is der ein oet eige teelt, die laupe al ein tiedje mit en weite waat heur te wachte steit. Op zondaag 3 fibberwarie 2002 waere ze in de Vlonder in de onech verbonje. Eederein is hiej biej weer van herte oetgeneudigt.De Melktuit zuut der auch dit jaor weer perfekt oet, mede door ein paar intelektuele kompjoeterfreeks binne ôzze klub en de ôngersjteuning van alle adverteerders en drukkeriej ARS. Hiejbiej wil ich alle leeje van `t Klumpke, adverteerders, sjpônsoren en donateurs hertelik danke veur höär biejdrage aan `t Klumpke en aan dees Melktuit. Veer doon der alles aan ôm der ein weer ein sjoon sezoen van te make.
Mit boeregroetjes,
de veurzitter,
Graat van Stien en Niek van de Bekker en Wienboer 1ste klas.
_______________________________________________________________
Veldjwachter achter de tralies
Ózze veldjwachter Frenske, waerde opgepakt waeges opseen gedrag taege ózze veurzitter. Wiej dae Frenske vraog of ter ein pilske wól kaupe, stook deze zien tong oet. Dae zeer onthutste veurzitter haet dit gemeldj biej burgemeister Krit. Deze haet Frenske veur ein nach in de petoet gezat toet er ziene roes oetgeslaope hat. Noe löupt ter weer vriej rondj.
________________________________________________________________________
Leef luuj van Hoogvónjere
Leef luuj waat geit ‘t toch allemaol flot op vandaag.
De tied vluug veurbiej ,’t is dit jaor alweer 25 jaor ge-leeje ,det de eerste miense op Hoogvónjere neersjtreke.
Toen waas de wiek nog klein en besjting allein oet ’t sjtukske Florasingel en Gentiaanhof. Óngertösse is der heel get biejgeboewt en is de ruumte noe vol. Heel get miense oet alle windsjtreke zeen hiej kómme wone en höbbe heur plekske gevónje.
Toch zeen der nog miense die geine hechte bandj mit de buurt en buren höbbe. Sjpeciaal die miense neudig ich oet om in de Vlonder ins ein activiteit van ein van de vereniginge biej te wone.Ein aantal vereniginge (wao ónger ‘t Klumpke en de Haofgengers) organiseren activiteiten wobiej eederein van herte welkom is. Jos en Diny (beheerders van ’t wiekgeboew) höbbe de aafgeloupe maondje ’t interieur van ’t wiekgeboew ein geweldige opknapbeurt gegaeve en ein geheel nuuje bar geinstalleerd zodet ’t dao noe lekker gezellig is. Mit ’t nuuje broeds-paar Geraldientje en Wullem, Prins Bert ! en jeugprins Davy 1 es gangmaekers ’t kommende sezoen, bön ich der van euvertuug det veer weer eine geweldige tied van lol en plezeer zolle belaeve.
Van dees plaats wil ich ’t broedspaar en de getuuge van ’t aafgelaupe jaor bedanke veur de ongeluifelijke meneer wie die der taege aan zin gegaon. En uiteraard ouch alle leden, gasten, sponsors, enzovoors, diej der aan mitgeholpen höbbe om der ein geweldig sezoen van te maken. Op ‘t moment det geer dit laes, is ’t sezoen al weer volop aan de gang en zeen de veurbereidinge veur de evenementen biejnao klaor. Alles sjteit weer oppe reels, ich zol wille zegke laot gaon dae wage.
Leef luuj ich wins uch eine sjoone tied en haop det veer os döks moge treffe in os wiekgeboew.
Mit edelachbare groetjes van
Krit van Sjeng van de KuuperBurgemeister.
________________________________________________________________________________
Op het buufet in de Vlonder ligk de speegel van Diny es Nicole en Jaqueline B. binnekomme. Es Nicole is gaon zitte pakt ’t hem op en kiêkt drin. Heila, dem kin ich zaet ’t teage Jaqueline. Jaqueline noe waal heel nuusjerig gewaore pakde de sjpeegel en drejt hem om. “Natuurlik kins doe dem, det bön ich !!”
______________________________________________________________________
Nuuj broedspaar biênao te laat op fotosessie
Van ós klatschredactie. Toen ós nuuje broedspaar ein aafsjpraok had veur de offiesjeele fotosessie, waare ze väöl te laat. Die waare weer zo bezig mit die verleefde herte det ze de tied helemaol vergäëte waare. Wiej de hoffotograaf Ruud opbeldje wao ze bleeve, ziën ze oppe traktor gesjpronge en es gekke nao de sessie gesjeurd. Oeteindelik is alles nog tegooi gekomme.
___________________________________________________________________
KINNISMAKING
Bruudje en Broedegom
Wullem: Gebaore in ‘t zuide biej Truuke en Sef bôn ich nao inkele omzwervinge in Remunj terech ge-kóme. Hiej höb ich mit mien echte vrouw, Nicole (ouch waal bekint es Kaatje), zeker 17 jaor gewoont. Al bienao 15 jaor bön ich aktief in ein heel gezellig volleybalklupke, R.V.V. De Eagles, womit ich noe nog sjteeds in de gymzaal op Hoogvônjere, eedere woonsdigaovend train. In deze tied höbbe veer ouch ein kientje gekrege waat veer toen Claudia (ouch waal bekint als Netje), geneumt höbbe. Pas wiej veer verhoesd waore nao Hirkebosch höbbe veer oeteindelik de miense van ‘t Klumpke leere kinne. Dit gebeurde toen veurig joar Leike veur de deur sjtong om Kaatje es broed te sjtrikke. Toen ich einmaol de sjmaak te pakke haaj van ‘t boerelaeve en ich van de zomer de kans kreeg om mit mien Geraldientje saame äppelkes te mooge plukke en ein feeske te organisere, waas ‘t hek van de wei. Toen dach ich det is ein leuk bruudje, ech get veur mich. Dus wiej die broeds-paarkemissie biej mich aanbelde höb ich neet lang getwiefelt.
Geraldientje: Getrouwd mit Ruud, de fotograaf van ’t Klumpke. Mooder van Joyce en Roy. Same wone veer al 16 jaor op Hoogvón-jere. De kienjer höbbe normaal eige planne, maar komme dit jaor veur mich nao de Vlonder. Vanaaf ’t optillefonere van de broedspaarkemissie laop ich al op roze en is mien hert helder gaon kloppe. Det waas neet altied aeve mekkelik. Ich wil gaer euveral mit mien lang naas veuraan staon en moogde mich neet verzwetse. Bie ’t Klumpke doon ich al heel get jaor mit en sjrief in de Melktuit es Ger Gezelle. Ouch bie de meiste anger activiteite kint geer mich aantreffe. Euver miene boernaam wil ich ’t volgende kwiêt. Ich bön actief veur de Zonnebleumkes in de wiêk en probeer mien steinke bie te drage op de vekansie mit kranke of neet meer gans mobiele miense. Det doon ich ein waek per jaor. Det is veur mich eine sjoone hobby. Gebaore bön ich bie Sjaak en Mien van de zangk in Lin. Die höbbe mich de zonnige kanjt van ’t laeve biegebrach en de sjpas aan de Vastelaovend. Allein zinge det höbbe ze mich vergaete te lere. Vanaaf 24 november moog idderein weite det ich al ein peuske mit Wullem aan ‘t sjanse bön. Same wille veer der ein sjoon fees van make.
___________________________________________________________________
Van de Broedspaarkemissie.
Ôngertösse as veer dit sjrieve, höbbe veer al `t 12 de broedspaar bekint gemaakt. Truuke en ich zeen al vreug in `t sezoen op stjap gegaon ôm ein nuuj broedspaar te zeuke. As veer op paad ginge, dan noemde veer det “fietse”.Ôzze partners vrooge daan waal ins höb geer de benj ouch good opgepompt? Dit jaor kumpt 't broedspaar oet de eige club, Bruudje Geraldientje ( Gerry Wieringa) is al versjillende jaore lid van ‘t Klumpke. Ouch as lid van de boereclub mot ut eine keer meugelik zeen ôm in de ônech getrouwt te waere.
Gerry had al enige jaore gehaupt det `t ins gevraog zou waere, maar ut kwaam tog as ein grote verrassing det veer hem vrooge.En noe op zeuk nao eine passende broedegom.Geer môt neet dinke det eederein direk jao zäët as ze gevraog waere. In deeze tied haet eederein `t drök mit `t werk, opvoede van de kienjer of angere verenigingsaktiviteiten. Dan kan ein taak as broedegom of broed biej `t Klumpke bes waal ein te hoge belasting zeen, wobiej ze mit de club ut hele sezoen en de vastelaovend op stjap bös. Daorôm höbbe veer neet lang getwiefelt ôm Wullem ( Wim Smeets) te vraoge as broedegom. Veurig jaor waas ter getuuge van Leike en Kaatje, en det spjel had ter heel good begrepe!! Diej twee same, det zooge veer waal zitte. Geer môt weite,`t Klumpke is neet zo maar ein vereniging veur de vastelaovend, nae diej is `t hele jaor aktief mit : Boeredage, boerinne op stjap, boereaugsdaag, piknikke en BBQ en ouch waal ins boere in nood oet de brandj helpe, mit anger wäörd in landelikke vorm aktief blieve. Gerry en Wim höbbe ein paar daag georgeniseert en hiej kôste veer aan zeen det diej twee good biej elkaar pasde. Op 24 november j.l. zeen ziej ônger grote belangstjelling bekint gemaak, en höbbe ze zich verloof. Veer as boerebroedspaarkemissie blieve dees twee begeleide toet alles gespjeelt is, wobiej veer ein paar waeke nao Asgoonsdig weer op zeuk gaon nao ein nuuj broedspaar.
Sjoone vastelaovend same,
het “fietsteam”, Truuke en Graat.
____________________________________________________________
Graat kaupt ein nuuj fietssjlaot
Ich höb ein nuuj fietssjlaot gekoch zei Graat taege Truuke. Och joa? En waat is de combinatie? Ut zeen drie vieve, maar ich zegk neet in welke volgorde.
_____________________________________________________________
Wullem en Hoffotograaf
gein vrunj meer?
Wullem zei taege óze hoffotograaf, du zuus d’r zo vrolik oet! Jao, zag dae, dao höb ich ouch alle reje toe! Mien Geraldientje is d’r vandoor mit miene beste vrundj! Ïch dach det ich diene beste vrundj waas zei Wullem. Noe neet meer antwaorde de hoffotograaf.
_____________________________________________________________
Wie eine boer prins kint waere.
Zo wie geer wit is Bert Schurgers dit jaor oetverkoaze as Prins Bert 1 biej de Hoafgengers, maar veur det dit gebeurt is, waas ter waal ut ein en anger verlaope . Want of ze noe eine prins bös, of doe bös boer, det is tog waal ein groot versjil. Noe dinkt geer missjien waat mós ze hiej allemaol veur kinne? Nou, zo eenvoudig is det neet heur!! Oppe eerste plaats zal ze eers ins good mótte platsjrieve, en ouch good kinne kalle. Bert waas hiej neet te beroerd veur, en ouch de boere gaove hem ein kans , zodet der zich kint verbaetere, en hoogerop kint kómme.Hiej veur haet ter tiedes ut sezoen van 1998 ein sjpoedcursus gevolg. Dit waas neet zo eenvoudig dan wiej der gedach had. De boere höbbe hem toen ut examen aaf laote ligke, en ze hebben toen gezeen det dit waal good zit. De burgemeister waas in elk gevak zeer tevreden, en zo gebeurde ut daat óze Bert, oftewaal het Höt, van eine boer, (waal ôngertösse getrouwt mit Bientje, gepromoveert waerde nao Sjriever van de Burgelikke Standj. Op zich had der hiej ein gooj bótterham aan, det waas ouch waal neudig, want Bientje waas inmiddels bevalle van ein paar kleine buurkes, en boerinnekes. Jao, jao, luuj, die tweej höbbe good gezorg veur opvolging van heur grote boerderiej!! Maar die kienjer aete netuurlik ouch eine haup, dus zoot ter nieks angers op, dan nog verder te gaon sjtudere!! Hiej veur mós Bert nao Den Haag, geer raojt nooits waat hiej is gebeurt!! Wie hae oppe universiteit zoot, kwaam der op eine gooije daag Maxima taege. Bert waas netuurlik helemaol van sjlaag, zón sjoon maedje had ter allang neet meer gezeen!! Later nao bleek det Maxima ouch nog zeer intelligent waas,en det beveel Bert waal. Hae dach biej zien eige, dit is mien kans óm in hogere kringen te kómme. Maxima vonj Bert eine zeer toffe vent, en ut heel net zovöäl van feeste as Bert. Geregelt ginge ze same op paad, nao ein of angere leuke kroeg, wo ze same dan lekker ein pilske ginge drinke. Op ein gegaeve moment ware ze zo good bevrundj, det Maxima vonj det ter ins veurgestjeld mós waere aan Willem Alexander!!! Det veel Bert netuurlik in heel gooj aarde, en al gauw kwaam der ziene hoogdorslustige prins Willem Alexander taege. Ut bleek eine echte geweune jóng te zeen. Bert haet van hem ontzettend vöäl geleert, det waas waal te merke wiej hae truuk kwaam oet det Huilland!! Zien eige vrouw Bientje kós hem nog neet meer truuk, en Bientje kós ter ouch helemaol neet aan winne. Geer sjnapt netuurlik det die tweej daorom noe weer oetterein zeen, Bientje woonde welliswaar oppe Boulevaar vreuger, maar zovöäl kak, det waas hem ein bietje tevöäl van ut gooje!! Toen waas gooije raod duur, en besjloot Bert maar weer truuk te gaon nao zien eige Annie, det waas toch waal sjoon. Wiej de vastelaovestied weer aanbrook, ginge zie netuurlik weer op stjap, op Hoogvónjere. Bert haet zich det ins good bekeke, wie die Prinse ut dao deje. En as se kals euver sljim zeen, dan is hae det waal, want veur det hae zellef zo wiet waor,is ter eers noch ins gepromoveert as adjedant van eine prins. Biej ut oetroope van ut broedspaar 2000, waas det in ein waor Kestjeel, nl. Kestjeel Daelenbroeck. Bert vónj det zo sjoon in det kestjeel, daat ut noe toch waal ins tied waerde det ter Prins waerde. Hae kreeg noch get gooj advieze mit van Maxima en Willem-Alexander, enzo is ut eindelik zowiet gekómme. Dae Bert is toch waal eine loze, noe kint ter ouch nog nao de Broelof van Maxima en Willem-Alexander, want zo wiet geer wit, kinne der allein maar adelikke luuj op heur fees kómme. Waat det betrif haet (sjoon)mam Beatrix ouch nog waal get te vertelle. Ein dink wille veer nog waal effe kwiet:
Veer winse oze “Ambteneer’’ ein heel sjoon sezoen toe, names
alle leje van ut Klumpke!!!
________________________________________________
Bout wird vanne stoumfiets gehaold óm te helpe biej ‘ne ruuzing
Eine bat jakker haet de boute geroope ómdat ziene pap eemes aan ut vermuibele is. De bout löpt mit en zuut twee mansluuj knokke. “Waem van diej twee is diene pap ?” Weit ich neet bout, daoróm zeen ze zich noe aan ut verkammezäöle.
________________________________________________________________________
‘ T IS ALLEMAOL EUVER NOE
Det zeen de waörd womit veer, Leike en Kaatje op 24 november 2001 de trouwklómpe weer ingeleverdj höbbe biej ózze veurzitter. Vanaaf noe, zeen veer weer geweune leeje van de boerefemilie.
Toen veer veurig jaor begónne aan ut sezoen wiste veer nóg neet presies wo veer aan begónne, maar wiej dichter ut óp de broelof aankoom wie dudeliker dat waerde.
Gestjmuleerdj door de broeloftskommissie móchte veer same mit óze getuuge Wullem en Rietje heel vaöl iedeekes oetwirke. Ut fijne waas det elk iedeeke van herte door de hele femilie waerde opgepak. Zo ontsjtong het idee veur de spelleaovondj bie ut bekintmake, en ut leedje “Hey Boere” woo veer flink get lol mit höbbe gemaak.
Det goldj ouch veur ós thema: Boerekgelök is………………………….. De vriejgezelle-aovondj ôppe Donderberg georganiseert door ózze getuuge en de broelofts-kommissie waas ouch helemaol te gek. Veer haaje neet gedach dat ein Boerebroelof zoveel inheel en det ut zo’n aparte
belaefenis is. Veer kinne ut eedereen aan-bevele, als se zoväöl lol höbs dan höbs se
die drukte d’r gaer veur euver.
Veer bedanke eedereen dae op waat veur meneer dan ouch haet biejgedrage aan het geweldige jaor waat veer gehad höbbe.
Kaatje en Leike
_______________________________________________
De Sjoonste gaste van ut seizoen
Is ut uch ouch opgevalle? Det d’r väöl miense in Hoogvónjere woone die sjpas en plezeer kinne make? Biej deze dames straolde ut van ze aaf. Veer haaje dubbel zoväöl plezeer door hun biejdrage aan ut fees!
________________________________________________________________________
Waas ut bruudje van de toekóms noe al óp pe Boerebroelof?
Det se op gans jónge laeftied al heel sjoon kins zeen, zeet geer hiej op dees foto. Ut zou mich neet verbaaze as dit maedje al vreug gekaapt wird door eine knappe boer.Dus........euver........10 joar boerebruudje in de Vlonder?
________________________________________________________________________
Drinke is good
Eine kudde buffels kan zich allein zo snel verplaatse es de langzaamste buffel.
Es de kudde wird opgejaag is de langzaamste en slapste buffel in de stert van de kudde altied degene waat 't eers gepak zal waere.
Dees natuurlikke seleksie is good veur de kudde in zien geheel, omdet het geregeld verleere van de slappelinge de gemiddelde snelheid en gezondj-heid van de heel kudde verbeatert.
Op sjuus de zelfde maneer kint 't mienselik brein zo snel wirke es de langzaamste hersencel.
Recentelike epidemiologische óngerzeuke in de Vlonder höbbe oetgeweze det 't te väöl drinke van alcohol de hersecelle kapot vrit. Alcohol vilt de zwaakste hersencel 't eerst aan.
Dus, 't regelmaotig konsumeren van 'n pilske hulpt biej 't om zeip bringe van de langzaamste hersencellen en maakt 't brein dus steeds sneller.
Dit verklaort ouch wooróm de meiste miense ein paar jaor nao 't verlaote van de sjool of naodet ze getrouwd zeen neet meer opkinne taege de prestaties van pas aafgestudeerde poete.
Allein diegene die zich strang haaje aan de regels om regelmaötig ein pilske te drinke kinne het intellektueel nivo vashaaje.
Daorom, is dit ein opreup aan alle laezers van de Melktuit. Als ós landj zien technologische waerde verluus en veer dreige ónger te gaon, mótte veer neet toes blieve zitte kniestere maar zègke wao 't op steit.
Gank truuk nao de Vlonder. Drink diene halve lieter leag. Dien landj en dien bedrief höbbe dig neudig op 't hoogtepunjt van dien kinne. Onthaaj dichzelf dien carrière neet.
Griep 't leave biej de kraag en waer waas se weare kins.
DRINK !!!!!
Ruud Wieringa
_______________________________________________________________
Veer gaon d’r veur!!!
Wie groot waor os verdreet wie bie ut bekintmake van ut broedspaar oze name neet geneumd waerde. Nao waeke lank oefene in de bekwaamheidsproove die se mós doon, biej ’t bekintmake van ’t broedspaar, zoës: sjpijkerpoepe, koemilke en naegele. Oze sjrik waas groot, det veer
sjpraekwäörd moste raoje en ut gewich van eine brónkappel. Ouch sjting dao ein of anger sjaol mit allerlei kraom in, wo hae geliek de broelofstaart in zoog. Het kwoom neet wiejer es twee
sjpraekwäörd, die ouch nog fout ware. Veer hadde nog enige haop wie de sjpeelkaarte, mit vaazele foto’s van ’t broedspaar, oetgedeilt waerde. Want veer twee vónje os bes lieke op de foto’s. Naomaote ut tiedstip vorderde, en veer os klaormaakte veur de presentasie es boerebroeds-paar veur 2002, kwame plotseling de name Geraldientje en Wullem nao veure. Veer zooge ein half jaor veurbereiding in duige valle. Waat veer neet allemaol gedaon hadde, om boerebroedspaar te kinne waere: Mit plekbandj aanein geplek danse, sjtriptease achter de sjötting, alles same doon (aete, drinke, piese) en same gezellig op ut brömmerke nao hoes gereje….. Det waar bliekbaar neet genóg, veer zeen neet door de proof haergekomme. Maar………….. veer laote de mood noe neet zakke, veer gaon d’raan wie verkeswullem en höbbe os al ein traeningskamp besjtèld. Dus 2003 veer zeen d’r veur! Sjtop maar mit zeuke, leef broedspaarkemissie, veer zeen de ideaal kandidate.
Waas geteikend,
Jut & Jel
________________________________________________________
Sjtreeknuujts: ’t Hôt krieg neesaanval: flat toto-loss
Wie letzt prins ’t Hôt den eerste mit zien Annie toes oppe bank zaöt, noa in de bult mit de beautifold te kieke, kreeg dea mich eine kriebel in de naas.
Hê kós noch net der oetkriege: “Annie kiek oet” en neesde zien naasvleugels binnenste boete.
Annie kós noch net onger de bank kroepe, wie ’t de res van zien hoes-raod nao boete zoog verdwiene. Versjillende miense oet de flat verklaorde dit noch nooijt eerder mitgemaakt te höbbe.
Van eure verslaagroomgever Kobus Krintemik
___________________________________________________________
Eerste ruzie Kaatje en Leike
Kaatje: Ich hat waal ach manskaerels kinne trouwe, diej väöl inteligenter waore es dich !!
Leike: Ich bun ‘t gans mit dich ins, want det höbbe ze beweeze door neet mit dich te trouwe.
__________________________________________________________________________
Nuuje “kraom” veur ozze Frits
Missjien is ut uch al opgevalle, missjien ouch neet, maar….. mich waal!!!
Toen veer ein paar maondj geleje biej Frits op bezeuk ware kôs ich mien auge neet geluive!!! Waat sjtong dao noe oppe parkeerplaats van Frits?
Eine sjoone nuuje kraom, neet zo maar eine, luuj, nae eine viskraom. Ich waas toch waal get nuujsjierig gewaore, dus dach ich, gank ins vraoge aan Frits waat hiej de bedoeling van is. Zo gezag, zo gedaon. Nou zei Frits, det kin ich dich waal verklappe, dae höb ich gekrege van ôzze veurzitter Graat.
Ich höb ouch nog ein sjoon certificaat daobiej gekrege, geweun geweldig. Maar toch vertroewde ich det zaakje neet gans. Ich dach,wits se waat ich vraog ins aan Graat waorom der mich dem zo maar geuft. En wits se waat ich veur ein antjwaord kreeg? Frits, ich bön det visse toch waal zo zat. Ich bön noe aan ût fietse gegange. Missjien höb se det waal al geheurt van Truuke. Veer doon tog same oetkieke nao det nuuje broedspaar, en doe wils neet weite waem veer al allemaol aan de haok kôste slaon. Te vöäl om op te neume. Ich wis mich ter op ein gegaeve moment geine raod meer mit , dus dach ich weg mit dae ganse viskraom en pak dich maar gauw de fiets. Ich bön dao natuurlik harstjikke bliej mit, zag Frits, want noe kan ich ouch nog ins get aan de haok gaon slaon. Dae Frits haet mich det toch maar efkes sjoon oetgelach, bin ich teminste weer helemaol oppe heugte, en geer auch netuurelik!!! Ich haop allein, det dao gein nare luchjes van achter blieve. Maar as det zo is, zal Corrie der zeker veur zorge dët diej opgeruump waere, dao bön ich zeker van euvertuug !!
Bloome Antje
________________________________________________________________________
Mooder geit mit Piërreke, dae vreselik las van staamele haet, oet aete bie de Italjaan. Es ze zeen gaon zitte mot mooder eers nao de W.C. Bestel maar al zaet ze taege Piërreke. Es ze weer truukkömp aan de taofel kiek ze waal heel stom. Zit dae böksebaom dao mit 6 Spa’s veur ziene tejjer. Ze waas der toch helemaol van euvertuug det det kuuke zich eine tejjer Spa-getti wöl bestelle. Spa-Spa-Spa-Spa-SpaSpa……….
________________________________________________________________________
ONTSJPANNING VEUR DE BROEDSPAARCOMMISSIE.
(noe ech oppe fiets!)
Eindelik kinne ze ins echt fietse naodet ze
ut moandjelangk as sjmoes höbbe gebroek.
Diej twee ginge namelik neet fietse, diej ginge sjtiekum ein nuuj broedspaar zeuke. Ut waerde sjteeds moejliker om neemes taege te kómme. Truuke klaagde zelfs euver eine stalker (veer zeuke ‘m nog sjteeds).
De stalker maakte ut zo bóntj dat hae Truuke zelfs vanaaf de eige zolder in de gaate heel. Óze veurzitter kós Truuke zelfs neet meer belle, de stalker noom de tillefoon sjteeds op en zag det d’r Tommy hoat. Ut haet eine moandj gedoert tot óze veurzitter in de sjmieze kreeg det d’r toch ut gooije tillefoonnummer koos.
De Nuujtsredaktie
_______________________________________________________________________
Sjoonmooder veurkump bekeuring
Hoogvónjere 11-11-2002: Leike mós gister veurkomme veur de rechtbank. De rechter vroog um:” Wiej wilse bewieze, det se neet te sjnel höbs gereje? ”“Nogal gemekkelik” zaet dae. “ich waas op waeg nao mien sjoonmooder”.
_______________________________________________________________________
BROEDSPAAR ‘t KLUMPKE STRAEVELT ZICH EUVER TROUWDATUM
Óze razende reporter likde zien eurke te loester toen ós verloofde paar weer ins biejeen kwoom. Geraldientje vroog: kaartmoor Wullem waorom wils doe neet op woonsdig trouwe? Waorop dae antjwaorde: Det is miene kaartaovend.
_______________________________________________________________________