DE SJWAEGELTUIT
De Sjwaegeltuit is ein
onregelmatige oetgaaf van de Nuujts en Klatsch redaksie
onger auspiciën van Sjtichting Boerebroelof ‘t
Klumpke Hoogvonjere Remunj.
Ediesie 3: 09 Fibberwarie 2007
__________________________________________________________________
HELS EENZJEL OPGEPAK
Oet ut Nuujts en Klatsch archief: Wae dach det Hoogvonjere ein rustig wiekske waas, dae haet zich toch inne boek gebeete. Vanne zomer waerde deze persoon inne nek gegreepe wiej der mit ziene opgeveurde trakter door de wiek aan ut sjeure waas. De pliese hadde ein gemiddele sjnelheid gemaete van waal 48 kilometer per oer. Eers gaof ter ouch nog gein sjoege op de sjtopsignaale. Es verweer gaof ter det ter de sjopsignaale neet had geheurd omdet ter boereleedjes van ‘t Klumpke aan ut loestere waas op ziene MP3 sjpeler. En der hat zo’ne haos omdet ter van zien vruike veur aetestied toes môsde zeen. Der had geine zin om weer ein nach biej de kielf in ‘t hok te sjlaope.
________________________________________
BROEDEGOM KEUB OETGETELD NAO
RIPPETIESIE
Wiej ut nuuje broeds-sjtel noa de rippetiesie van de broelofsdaag waas gewaes, haet dae Keub kaaij veut gekrege en haet zich ins good vol laote laope. Det waas netuurlik waal ein probleem veur diej anger driej, want wie kriegse daem toes. Gelukkig hat Rich ein sjörgsker biej zich en waas ut probleem sjnel opgelôs. Handig zônne boer...toch ?
__________________________________
‘T WAER VANDAAG
s’Môrges good oetkieke veur sjneewitjes en nevelbanke van de aovendj deveur.
Ut zich kint ernstig belemmertj waere door plotselinge dropsjots.
Verder oppe middaag waert ut weer get jonge klaorder en wao ut naat is is ut good toeve.
_____________________________________
KEUB VERDREETIG EUVER AAFWEZIG TRUU
Lets hadde Truu en Keub ein rendevous inne Vlonder. Keub dae zich helemaol op zien boerezondigs gekleijd en verheugdj haaj, haet de hele tent laope aafzeuke nao zien liefje. Mer gein Truu te vinje. Hae môsde toch waal ein traon wegvaege wiej der aan ozze versjlaaggaever vertelde det ein pilske toch neet ech lekker sjmaakt zonger Truu. Later kwaam alles toch weer good wiej Truu veur um sjtond mit tweej lekkere pilskes. Hae waas zo bliej... det ter alles sebiet weer vergaete waas.
__________________________________
Rich haet hoogtevrees
Oppe resepsie vanne Prins ôppe Donderberg bleek det Rich hoogtevrees haet. Keub hat um vanne taofel aaf motte helpe naodetse heur leedje gezonge hadde. Volges rich kump det door dae sjpraekende vogel toes. Dae zaet de hele daag “Sjtoute jong….neet valle !!!”.
_______________________________________________________
TE KAOP:
Sjpraekende vogel, loestert nao de naam Hansi en klets dich de
oore vanne kop.
Hae zingk ouch boereleedjes. Mit ein dook euver de kooi hilt ter ziene sjnavel.
________________________________________________________
.
VELDWACHTERS ARRESTERE SJWARTWIRKER
Letste nuujs van de papperatzi. De veldwachtersWullem en Frenske höbbe aafgeloupe tied ein Boerin aangehaaje wie die aan ut zjwartwirke waas! De sjrik sjloog ze om ut hert, bruudje Truu aan ut beune. Det guf ein groot probleem, geine boerebroelof zonger broed. Dae erme Keub, nog neet getrouwd en noe al probleme! En Thei...dae kiek of der wil zegke gelökkig höb ich dao veurluipig nieks mit te doon! Truu goof es raeje, det dae broelof zoväöl geldj kos, det ut ein biejbaantje mot zeuke om det te berappe. Es dochter van eine kaoleboer is de link mit zjwarte piet dan zo gelag! Die löbbese Wullem en Frenske höbbe euver heur hert gesjtreke, zodet ze biej ut Klumpke toch eine sjone boerebroelof kinne viere.
________________________________________________
Ich höb zo'n vermoede det ut Iesblomeding eigelik Assepoester is ,,,,,,
óm twellef oer geit ziej nao hoes, POEF !! En danneh..!?!
_____________________________________
Truuke en Jantje sjiete op ut gezag
Van ôzze sjwaegelreporter: Tiedes de leejevergadering van t’Klumpke, zoote Truuke en Jantje oetgebreid te sjwaegele euver ut nuuje bruudje. Veurzitter Graat waas ut dao neet mit ins en zei taege diej tweej det ze de vergadering sjteurde en det ze sjtil môsde zeen. In plaats van det diej tweej rebelle heur bakkes hele, begosde diej toch lillikke gezichte te sjnieje taege ozze ópperklomp.
Veldjwachterleerling Sjefke haet ze oet ut lokaal môtte verwijdere om de rust te handhave,
want diej anger boere waerde ouch al onrustig.
_________________________________________________
Graat en Bloome Antje de derde keer in ut huweliksbeutje gesjtap!
Ruum 25 jaor geleeje trouwde Ger mit Annemiek.
Om heur relatie sjpannend te haaje zeen ze allebei nog eine keer in ut huweliksbeutje gesjtapt, Graat mit Truuke en Bloome Antje mit Eedje. De aafgeloupe tied heurde ich Bloome Antje döks zegke ich zeuk mich eine nuuje kaerel, want miene Eedje zeen ich bienao neet meer. En...mit waem is ut ongertösse getrouwd? Juust….mit miene Graat en det vinj ich toch neet net! Want Graat en ich höbbe nog altied ein gooj relasie. Dus noe is Graat getrouwd mit Bloome Antje, drie keer is sjeepsrech zolle veer maar zegke. Ich wins heur toch heel väöl gelök same en wilt geer weite wie ut ech inein zit, kiek dan ins op:
www.joseduckers.nl
Truuke
___________________________________________________
Bruudje Truu môt de kaole sjöppe
Es geer dach det zo’n boerebruudje ut gemekkelik haet den zit ger der toch good naeve. Os Truu môt eedere daag biej Keub de kaole in d’n aove sjöppe. Want zo zaet Keub, mit ein luij vrouwmiens gaon ich neet trouwe. Es ze op mien boerderiej get wilt beteikene den môt ze ouch mer aanpakke. Truu môt allein nog leere det ze zich neet eedere keer zo voel môt maake want det zuut ter toch neet oet.
______________________________________________
Annie vraet Graat oet de handj
Ôs broedspaarkemissie, Graat en Annie waare lets weer erg innig bezig. Diej tweej môtte veer mer ins get baeter in de gaate haaje. Veural dae Graat, dae haet diej muts zo good aafgerich det diej um oet de henj vraet. Volges mich haet ter al weer ein nuuj broed op ut ouch en is ter Annie aan ut veurbereije det diej ut ouch mit um ins is. Ich zal det saame mit mien kollegas waal ins good oetdeepe. Want dit soort mannepelaasie det motte veer neer höbbe in dees eerbare boere-gemeinsjap.
Veldjwachter Wullem.
____________________________________
TRUU VOJEUR INCOGNITO
Gesjpôt door ozze reporter: Ôppe bontje aovendj inne Vlonder waas ut weer ech bontj. Ôs bruudje Truu waas mit ein sjtel vrundinne aan ut sjpiense door ut ruutje van de heere kleidkamer. Ut môt waal gedach hobbe, in dees kleier kinne de miense mich toch neet. Ut is waal duudelik det ut nog aan de aandach van de boere gemeinsjap môt wenne.
_____________________________________
Veldwachters kriege hulp van Hansi
Ôs veldwachters höbbe nieks te klage dit jaor! Neet allein höbbe ze ein gooj hulp aan Sjefke, de veldwachter in opleiding. Ut toeval wil, det Keub eine sjpraekende vogel (Hansi) haet, dae antjwoord guf op eine haop vraoge. Dae Hansi haet al van alles verraoje euver Keub en om erger te verkomme, mot det erm bees noe met eine dook euver de kooi zitte es die boere op bezeuk kômme!
______________________________________
Thei: Ich höb get waat geer neet höb
Meriej gaeft ein sjpits antwoard:
Jao, de böl in de henj!
__________________________________________
Gereserveerde taofel veur de boerevrouwluuj
Wiej de boere van de zomer ginger knutsele om al heur gereij veur de broelof weer in orde te maake, waare de boerevrouwluuj waal weer erg naeve de sjoon. Diej votplavuuze mosde zoneudig weer eine eige werktaofel hobbe. Nou det höbbe de boere waal aeve veur ze geregeld, mit bord en al. Diej hobbe veer de hele middig neet meer geheurd.