SJOLDAOTE
LEI EN KAATJE
Oet os archief: Ut kersverse toekomstige boerebroedspaar van Sjtichting Boerebroelof ‘t Klumpke, det op 18 fibberwarie in de onech zal treeje, haet vreuger saame in ut leeger gedeend. Veer hobbe nog ein foto in os Archief gevonje wao ze te bewonjere zeen bie oetveuring van deens in de M.A.S.H. Einheid op Hoogvonjere. Dees unit waas spesjaal opgerich veur ut barbeque feesje van Recreatieve Volley ballvereiniging DE EAGLES. En ich kin uch zegge det ze det veldjhospitaal waal neudig haaje de volgende daag.
PAPPERATZI OP
HOOGVONJERE
Tiedens ut versiere van ut hoes van de toekomstige boerebroedegom Lei, is waorachtig eine PAPPERATZI gesignaleerd. Neemes haai ooit gedach det eine boerebroedegom meteen zo bekindj zou waere. Maer nao nader onjerzeuk door ein sjpesjaal recherge team, bleek ozze papperatzi ein lid van ut KLUMPKE zelf te zeen.Papperatzi Ruud waas namelijk bang det er naat waerde en haet zich daorom in dees verdachte positie gemanouvreerd.
UT WAER VUER VANDAAG
Vandaag gein waer en morge auch neet. Verder zeer sjtabiel
S’ Aoves get alcoholnaevel. Geduurende de nach wervelt ut get. Zodet d’n ochtend eine zooi is maer s’ middaags trektj alles weer op.
DE BEKKER ZONJER KER
In Hirkebosch is d’n bekker van ‘t Klumpke gesignaleerd. Hae zaot dao helemaol allein in ut bushokske taegeneuver ut hoes van Kaatje. Toen zien collegaboere hem vraoge waat d’r dao dee, zei d’r det zien bekkersker lekker toes in de sjuur sjtond. Die moogde n.l. neet vies waere omdet zien sjoonmooder dao nog mit mosde winkele. Dus haet der maer de bus genome. Waat is dae toch leef veur zien sjoonmooder.
PRINS LEI OP VRIEJERSVEUT
Oet os archief:
Inkele jaore geleeje bleek Lei al achter Kaatje aan te zitte. Zoals ger hie op dees foto waal kint zeen. Destieds waas d’r notabene in funktie es Prins Leon I van de Kerremelle. Toen d’r binne kwaam leet d’r
ziene ganse raod van ellef en zien adjudante gewoon sjtikke en sjtormde rech op Kaatje aaf om die ins good te kusse.
Boeresjpraekwaord
Zo es de boer drinktj zo zoepe de jonge.
Es ut kaof verdronke is, maakse eine nuuje put
Veur ut milke de sjtal oet zeen.
Es Paose en Vastelaovendj op eine daag valle, den sjmaaktj ut beer nog baeter.
En noe nog effe de aerpele aafsjudde.
RIETJE IN D’N HAREM ?
Waat geer nog neet wis. Rietje haet vreuger in eine harem gezaete. Hie zuut ger her bie Sjeik Ali DootDerNogEine en ziene PR manager Dr. Prof. Driepint. Nao ein paar jaor waas Rieje ut Haremlaeve meug en is ut nao Remunj getrokke en haet zich nuuj kleijer gekoch.
D’N HONDJ VAN KAATJE
Wist geer det Kaatje eine zeer geveerlikke hondj haet ?. Hiebaove aet d’r net eine angere hondj op, dus kiek oet es ger det bees zuut.
ZUSTER KAATJE
Waat noe ?, zult geer dinke. Kaatje es begienke ? Jao det hobt geer good gezeen, want in werkelikheid hobbe Kaatje en Lei zig dao veur ‘t eerst gezeen. Kaatje waas namelik es de oudste boeredochter van Antoinetta en Koos, veur ‘t klooster gedagt. Mer gerugte gaon det Lei ooit bie ein toevallig bezeuk aan ‘t klooster van de Orde der Genoeglijke Bevalligheid, zien aug haet loate valle op Zuster Kaatje. En waat dao vanne gewoare is det weite veer allemaol.
TE KAUP Boeresjtoof mit termesjtaat en dubbel glaas. Brennt op kaole en op mest. Gifoetsjoot volgens de letste nuuj Europeese miljeuwetgeaving. Tel.: 3542789.
LEI ONTROEW ?
Haet Lei noe ein verhouding mit Katja of neet. Eerlik gezag haet d’r toch waal eine vraemde grijns op zien gezich op die foto mit Katja in de Milktuut. Hae zaet van neet, mer veer haaie dem toch waal in de gaate en uch op de hoogte.
UT WAER
Vandaag is de windj ein bietje wispelturig en morge missjien zelfs get zenewagtig. Zonjig kinne veer zelfs schnee verwagte want den motte die van ‘t Klumpke weer get boete doon. Mer es dan smiddigs alles weer same kumptj wurd ouch door de waergoode ein verbondj gesloate en kump alles weer good. En in den aovend kriege veer dan weer de bekinde nevels.
ANTJE EN GRAAT NAO NESHVIELLE TENNISSIE
Pas zeer resent hobbe veer nog mooge geniete van de premiere van ‘t nuuje boereleedje, oetgeveurd en bedagt door BLOOME ANTJE en GRAAT. En noe al waerde ze ondek door eine groote plaatebaas oet ‘t Amerikaanse Mekka van de Boere landmuziek, Neshvielle Tennissie. Dae miens waas zo entoesiast det er Antje en Graat sjpontaan oetneudigde om in de achterhaof van zien groote viella te komme zinge ter ere van de verjaordig van daem zien sjoonmooder. Zoeste zuus is neet allein ozze bekker zo leef veur zien sjoonmooder. Allein Graat dae leep weer ein bietje van sjtapel, want dae wol meteen eine aafsjpraak regele mit Dollie Pardon. Jao om te zinge zeker. In eeder geval haet Antje dao ein sjokske veur gestaoke.
UT WAER
Vandaag is de windj ein bietje wispelturig en morge missjien zelfs get zenewagtig. Zonjig kinne veer zelfs schnee verwagte want den motte die van ‘t Klumpke weer get boete doon. Mer es dan smiddigs alles weer same kumptj wurd ouch door de waergoode ein verbondj gesloate en kump alles weer good. En in den aovend kriege veer dan weer de bekinde nevels.
BOEREMAEDJES OPPE BROELOF
Veur ‘t rondjbringe van hapjes en lekkernije hobbe veer ein sjel leuke jonge BOEREMAEDJES bereid gevonje. De maedjes van links noa rechts: Netje, Rieke, Truuske, Anske en Chrisje zulle alle vief verschiene in ‘t zelfde boere kleidje. Ze hobbe alle vief ein opleiding gehad oppe Bisschoppelikke Boerehorekafakkelteit en eksaame gedoan in ‘t onjerdeil Milkkanne Sjleipe. Verder mot geer good oetkieke veur die vief, want die hobbe allemoal es tweede naam Waus, de Wauze Vief zeg mer.
Te Huur: Aaje boeresjuur mit golfplaatedaak, bad en sjtreumend water. Vraoge naor boer Sjra 443569
TRUU WUERD TRUUSKE
De Burgemeistersvrouw TRUU, haet besloate det ze veurtaan TRUUSKE hit. Ze kwaam op det idee omdet Kaatje eine keer sjpantaan TRUUSKE taege her zei. Det kump good oet dagt Truu, eh ich bedoel Truuske, die op det moment door eine STALKER lestig gevalle weurde, noe kint dae mich neet meer vinje mit eine angere naam. Wie veer det heurde hobbe veer natuurlik os Klatsch Resjerge op ongerzeuk oet gesjtuurd. Waat bliek noe, dae Stalker waas here eige miens. Chrit dae haet namelijk eine hele aovend achter, toen nog, Truu aangelaope omdet dae zien bonne op haaij en der sjtikde van den doosj. Mer Truuske, die ouch al ein bietje waazig oet de auge keek, haet ‘m neet herkindj. Zodoonde.
Boeresjpraekwaord
De flater viltj nooit ver van de koe.
Ich bon boer in eige sjuur.
De sjtomste boer haet de sjoonste boerin.
Zo es ut boeremoos toes sjmaakt zo sjmaakt ut nerges.
PROFIESEJAT BLOOME ANTJE
Os eige BLOOME ANTJE is gesjlaag veur eine kursus Excel en Word en zo. Det is noe ein echte kompjoeter moes. Noe kint det eindelijk ins tegooi biehaaie waat dae Graat allemoal oetgeuf. Det zulle waal rantsoene waere veur dea veurzitter. Mer ja det is d’r toch al gewend want ‘t beer haet d’r al op de bon.
D’N HONDJ VAN KAATJE
Wis geer det Kaatje eine zeer intellegente hondj haet ? Dae zit eedere morge de krantj te laeze. Zien favoriete zeen de sjtrips en de kontakadvertensies. Ich hub geheurd det er de volgendje waek eine blind date haet mit eine rotkweiler. Es det mer good aafleuptj, want de letste keer wie der op sjtap is gewaes mit daen Deutse sjtaonder toen waas get oet. De wits toch neet waatste zuus mit det bees.